श्रीरामपूर नजीक असलेल्या बेलापूर येथील पत्रकार नवनाथ कुताळ यांचा मुलगा निर्भय हा फिलिपाईन्स मधील दवावो येथे वैद्यकीय शिक्षण घेत आहे. त्याच्यासोबत अजून काही भारतीय विद्यार्थीही आहेत.तेथेही कोरोनाचा शिरकाव झाला असून तेथील सरकारने संशयित रुग्ण आढळताच तेथे लॉक डाऊन जाहीर केले आहे.तेथील नागरिकांनीही उत्तम प्रतिसाद दिला असून कोणीही घराच्या बाहेर पडत नाही त्यामुळे आपण ज्या शहरात आहोत तेथे त्यामुळे परिस्थिती नियंत्रणात राहते आहे.सर्वजण भारतात येताहेत आपण येणार का याबाबत विचारले असता उगाचच घाबरून प्रवास करण्यापेक्षा आहे तेथेच थांबणे योग्य आहे.घरचे नातेवाईक काळजीत आहेत मात्र उगाचच पॅनिक होऊन चुकीचे निर्णय घेणे अयोग्य असल्याने आम्ही सर्वांनी येथेच राहणे पसंद केले आहे.महाराष्ट्र राज्यातील संख्या पाहता सर्व नागरिकांनी शासनाला सहकार्य करावे असे आवाहनही त्यांनी केले आहे.