जनशक्ती न्यूजसेवा

कोपरगाव-(प्रतिनिधी)

कोपरगाव शहर व तालुक्यात शहरातील अनेक मान्यवरांना कोरोनाने गाठले असताना आज कोपरगाव तालुक्यात एकूण ५३ अँटीजन रॅपिड टेस्ट करण्यात आल्या असून त्यात १३ रुग्ण बाधित तर नगर येथे तपासणीसाठी १३ स्राव पाठवले आहे.तर तेथून ०७ रुग्णांचे अहवाल बाधित आले आहे.खाजगी प्रयोग शाळेतील ०१ अहवाल बाधित आला आहे.आज एकूण २१ जण बाधित आले आहे.तर आधी भरती असलेल्या २० रुग्णांस उपचारानंतर सोडून दिले असल्याची माहिती कोपरगाव ग्रामीण रुग्णालयाचे आरोग्य अधिकारी कृष्णा फुलसौन्दर यांनी दिली आहे.

नगर जिल्ह्यात बाधित रुग्णांचा आकडा ६४ हजार ८५६ जाऊन पोहचला आहे.तर आता पर्यंत ९६६ जणांनी आपले प्राण देऊन किंमत चुकवली आहे.कोपरगाव तालुक्यातील गत काही दिवसातील रुग्ण धरून ४१ जणांना आपले प्राण गमवावे लागले आहे.गत काळात ग्रामीण भागात अधिक प्रमाणावर रुग्ण वाढ होत असताना आज शहरात त्याची पुनरावृत्ती होताना दिसत आहे.

दरम्यान कोपरगाव शहरात ०७ रुग्ण बाधित आढळले आहे.त्यात गजानन नगर येथील एक पुरुष वय-४८,दोन महिला वय-४५,१७,विवेकानंदनगर दोन पुरुष वय-५८,२५,पांडे गल्ली एक पुरुष वय-६३,कोपरगाव भागाचा उल्लेख नसलेला महिला रुग्ण वय-५४ आदींचा समावेश आहे.

तर ग्रामीण भागात तालुक्यातील कोकमठाण हद्दीत पाच रुग्ण बाधित आढळले आहे त्यात पुरुष तीन वय-५८,३३,३५,तर दोन महिला वय-५४,२६,तर रामवाडी एक पुरुष वय-४८,सुरेगाव एक महिला वय-२७,चासनळी एक पुरुष वय-५८,एक महिला वय-५०,कारवाडीएक पुरुष वय-४९,कुंभारी पुरुष वय ५६,शहाजापूर एक पुरुष वय-३९,एक महिला वय-३६,गोधेगाव येथील एक पुरुष वय-६५ बाधित आढळला आहे.

दरम्यान आज कोपरगाव तालुक्यात एकूण बाधित रुग्णांची संख्या ०२ हजार ५१४ इतकी झाली आहे.त्यात ८७ रुग्ण सक्रिय आहेत. त्यामुळे आज पर्यंत ४२ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.६७ टक्के आहे.आतापर्यंत १७ हजार ६५६ जणांचे श्राव तपासले आहेत यातून बाधित रुग्णांचा दहा लाखाला ७० हजार ६०८ इतका आढळला आहे.तर बाधित रुग्ण दर १४.२३ असा आढळला आहे तर आतापर्यंत कोरोनातून उपचारानंतर बरे झालेल्या रुग्णाची संख्या ०२ हजार ३८५ इतकी झाली आहे.टक्केवारीत हा दर ९४.८६ टक्के झाला आहे.दरम्यान आज शहरी भागात आज रुग्ण वाढ रोखली असल्याचे दिसत आहे.तरी मात्र नागरिकांनी आगामी काळात प्रतिबंधात्मक उपायाबाबत अजून दक्षता घेतल्यास पूर्ण रुग्ण वाढ रोखता येईल असा विश्वास तालुका वैद्यकीय अधिकारी डॉ.संतोष विधाते यांनी शेवटी म्हटले आहे.