जनशक्ती न्यूजसेवा

कोपरगाव-(प्रतिनिधी)

कोपरगाव शहर व तालुक्यात शहरातील अनेक मान्यवरांना कोरोनाने गाठले असताना आज कोपरगाव तालुक्यात एकूण २५ अँटीजन रॅपिड टेस्ट करण्यात आल्या असून त्यात ०५ रुग्ण बाधित तर नगर येथे तपासणीसाठी ०० स्राव पाठवले आहे.तर आधी भरती असलेल्या ०५ रुग्णांस उपचारानंतर सोडून दिले असल्याची माहिती कोपरगाव ग्रामीण रुग्णालयाचे आरोग्य अधिकारी कृष्णा फुलसौन्दर यांनी दिली आहे.

नगर जिल्ह्यात बाधित रुग्णांचा आकडा ६७ हजार ३०१ जाऊन पोहचला आहे.तर आता पर्यंत १०१३ जणांनी आपले प्राण देऊन किंमत चुकवली आहे.कोपरगाव तालुक्यातील गत काही दिवसातील रुग्ण धरून ४२ जणांना आपले प्राण गमवावे लागले आहे.गत काळात ग्रामीण भागात अधिकची रुग्ण वाढ थांबली आहे.

दरम्यान कोपरगाव शहरात बाधीत ०९ व ०७ वर्षीय पुरुष येवला रोड २७ व ३८ वर्षीय महिला येवला रोड,
४८वर्षीय पुरुष सुभद्रा नगर,०१ रुग्ण साई सिटी एक महिला वय-३१ बाधित आढळला आहे.

तर ग्रामीण भागात तालुक्यात एकही रुग्ण बाधित आढळला नाही.त्यामुळे तालुक्याला दिलासा मिळाला आहे.

दरम्यान आज कोपरगाव तालुक्यात एकूण बाधित रुग्णांची संख्या ०२ हजार ६०८ इतकी झाली आहे.त्यात ४७ रुग्ण सक्रिय आहेत.त्यामुळे आज पर्यंत ४३ जणांचे कोरोना साथीने निधन झाले आहे.आजपर्यंत कोपरगाव तालुक्याचा मृत्युदर १.६५ टक्के आहे.आतापर्यंत १८ हजार ३२० जणांचे श्राव तपासले आहेत यातून बाधित रुग्णांचा दहा लाखाला ७३ हजार २८० इतका आढळला आहे.तर बाधित रुग्ण दर १४.१८असा आढळला आहे तर आतापर्यंत कोरोनातून उपचारानंतर बरे झालेल्या रुग्णाची संख्या ०२ हजार ५०९ इतकी झाली आहे.टक्केवारीत हा दर ९६.५७ टक्के झाला आहे.दरम्यान आज शहरी भागात आज रुग्ण वाढ रोखली असल्याचे दिसत आहे.तरी मात्र नागरिकांनी आगामी काळात प्रतिबंधात्मक उपायाबाबत अजून दक्षता घेतल्यास पूर्ण रुग्ण वाढ रोखता येईल असा विश्वास तालुका वैद्यकीय अधिकारी डॉ.संतोष विधाते यांनी शेवटी म्हटले आहे.