जनशक्ती न्यूजसेवा

कोपरगाव-(प्रतिनिधी)

कोपरगाव शहर व तालुक्यात गत तीन दिवसात शहरातील अनेक मान्यवरांना कोरोनाने गाठला असताना आज कोपरगाव तालुक्यात एकूण २०२ अँटीजन रॅपिड टेस्ट करण्यात आल्या असून त्यात १८ बाधित आढळले आहे.तर २९ संशयित रुग्णांना उपचारानंतर घरी सोडून दिले आहे तर आज नगर येथील ०२ तर खाजगी प्रयोग शाळेतील ०१ असे एकूण बाधित २१ रुग्ण आढळले असल्याची माहिती दिली असल्याची माहिती कोपरगाव ग्रामीण रुग्णालयाचे आरोग्य अधिकारी कृष्णा फुलसौन्दर यांनी दिली आहे.दरम्यान आज कोपरगाव शहरातील एक ६३ वर्षीय पुरुष व माहेगाव देशमुख येथील एक ६० वर्षीय पुरुष असे दोघांचे निधन झाले आहे.त्यामुळे नागरिकांत भीतीचे वातावरण पसरले आहे.

नगर जिल्ह्यात बाधित रुग्णांचा आकडा ४३ हजार ७३८ जाऊन पोहचला आहे.तर आता पर्यंत ७०० जणांनी आपले प्राण देऊन किंमत चुकवली आहे.कोपरगाव तालुक्यातील गत तीन दिवसातील तीन रुग्ण धरून ३३ जणांना आपले प्राण गमवावे लागले आहे.गत सप्ताहात दिवसात चार बळी गेल्याने त्यामुळे अधिकची चिंता वाढली आहे.